ਅਚਾਰ

ਮਰਤਬਾਨ ਚ ਹੈ ਭਰ ਰਹੀ

ਅੰਬ ਦੀਆਂ

ਖੱਟੀਆਂ ਰਸੀਲੀਆਂ

ਮਹਿਕਦੀਆਂ ਫਾੜੀਆਂ –

ਮੇਰੀ ਬੀਵੀ ਅਚਾਰ ਪਾ ਰਹੀ ਹੈ

ਤੇ ਪਤਾ ਨਹੀਂ ਕਿਉਂ

ਚੰਗਾ ਲੱਗਦਾ ਹੈ ਮੈਨੂੰ

ਡੂੰਘੇ ਕਿਤੇ

ਜਾਪਦਾ ਹੈ

ਕਿ ਠੀਕਠਾਕ ਹੀ ਰਹੇਗਾ

ਅਗਲਾ ਵੀ ਵਰ੍ਹਾ

ਭਾਵੇਂ ਪਤਾ ਹੈ ਮੈਨੂੰ

ਕਿ ਗਿਰਗਿਟ ਹੁੰਦਾ ਏ ਬਿਲਕੁਲ

ਆਉਣ ਵਾਲਾ ਕੱਲ੍ਹ

ਫਿਰ ਵੀ ਚੰਗਾ ਲੱਗਦਾ ਹੈ ਮੈਨੂੰ

ਇਉਂ ਵੇਖਣਾ ਉਹਨੂੰ –

ਜਿਉਂ ਸਾਂਭ-ਸੰਭਾਲ ਰਹੀ ਹੋਵੇ

ਅਣਵੇਖਿਆ ਸਮਾਂ

ਤੇ ਡਲੀ-ਡਲੀ

ਫਾਕੜ-ਫਾਕੜ

ਭਰ ਰਹੀ ਹੋਵੇ ਮਰਤਬਾਨਾਂ ਚ

ਸੁਆਦ, ਸੁਰੱਖਿਅਤ ਤੇ ਸ਼ਾਂਤ

ਅਚਾਰ ਪਾ ਰਹੀ ਹੈ ਮੇਰੀ ਬੀਵੀ –

ਮਹਿਫ਼ੂਜ਼ ਕਰ ਰਹੀ ਹੈ

ਪੂਰਾ ਇਕ ਵਰ੍ਹਾ