ਬਰਸਾਤ
ਤੁਰੇ ਜਾਂਦੇ ਸੜਕ ਤੇ
ਅਚਾਨਕ ਘਿਰ ਆਇਆ ਬੱਦਲ
ਵਰ੍ਹਨ ਲੱਗਿਆ ਘਨਘੋਰ ਮੀਂਹ
ਦੇਖ ਕੇ ਦਰਖਤ ਇੱਕ
ਜਾ ਖੜ੍ਹੇ ਹੋਇਆ ਉਸਦੇ ਥੱਲੇ
ਜਿੱਥੇ ਹੋਰ ਵੀ ਸਨ ਖੜ੍ਹੇ
ਬਹੁਤ ਸਾਰੇ ਲੋਕ
ਵਾਛੜ ਤੋਂ ਬਚਦੇ
ਪੈਂਦਾ ਰਿਹਾ ਮੀਂਹ ਬਹੁਤ ਦੇਰ
ਬਹੁਤ ਦੇਰ ਤੋਂ ਖੜ੍ਹਾ ਇੱਕ ਨੌਜਵਾਨ
ਵਾਰ ਵਾਰ ਘੜੀ ਦੇਖਦਾ
ਜਿਵੇਂ ਜਾਣਾ ਹੋਵੇ ਮਿਲਣ ਉਸਨੇ
ਆਪਣੀ ਮਹਿਬੂਬ ਨੂੰ
ਖਿਝ ਕੇ ਆਪਣੇ ਆਪ ਨੂੰ ਹੀ
ਸੰਬੋਧਿਤ ਹੋ ਕੇ ਬੋਲਿਆ-
ਲੱਗਦਾ ਹੈ
ਕਦੇ ਨਹੀਂ ਰੁਕੇਗੀ ਇਹ ਬਾਰਿਸ਼
ਉਸਦੀ ਗੱਲ ਸੁਣ ਕੇ
ਕੋਲ ਖੜ੍ਹਾ ਇੱਕ ਬਜ਼ੁਰਗ
ਮੁਸਕਰਾਇਆ
ਮੁਸਕਰਾਇਆ ਤੇ ਬੋਲਿਆ-
ਐ ਨੌਜਵਾਨ !
ਆਪਣੀ ਜ਼ਿੰਦਗੀ ਵਿੱਚ
ਬੜੀਆਂ ਬਰਸਾਤਾਂ ਵੇਖੀਆਂ ਨੇ ਮੈਂ
ਬੜੀਆਂ ਮੂੰਹਜੋਰ
ਘਨਘੋਰ
ਪਰ ਅਜਿਹੀ ਬਰਸਾਤ ਕਦੇ ਨਹੀਂ ਦੇਖੀ
ਜੋ ਕਦੇ ਰੁਕੀ ਨਾ ਹੋਵੇ
ਕਿੰਨੀ ਵੀ ਮੂਸਲਾਧਾਰ ਹੋਵੇ
ਬਰਸਾਤ ਭਾਵੇਂ
ਪਰ ਹਰ ਬਰਸਾਤ ਨੂੰ ਅੰਤ
ਰੁਕਣਾ ਹੀ ਪੈਂਦਾ......
