ਬੇਰੀਆਂ
ਸਾਨੂੰ ਬੇਰੀਆਂ ਦੇ ਬੇਰ ਪਿਆਰੇ, ਨਿਉਂ ਨਿਉਂ ਚੁਗ, ਗੋਰੀਏ !
ਮਿੱਠੇ ਬੇਰ ਫੇਰ ਨੀ ਥਿਔਣੇ, ਸਾਰਾ ਸਾਲ ਡੀਕਦੀ ਰਹੀਂ ।
ਮਿੱਠੇ ਬੇਰ ਸੁਰਗ ਦਾ ਮੇਵਾ, ਕੋਲੋਂ ਕੋਲ ਬੇਰ ਚੁਗੀਏ ।
ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀ ।
ਪਿਓਂਦੀ ਬੇਰਾਂ ਦਾ, ਸੁਆਦ ਚੁੰਮੀਆਂ ਵਰਗਾ ।
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ ।
ਤੈਨੂੰ ਕੁਝ ਨਾ ਲੱਗਾ ਮੁਟਿਆਰੇ, ਬੇਰੀਆਂ ਨੂੰ ਬੇਰ ਲੱਗ ਗਏ ।
ਅਸਾਂ ਬੇਰੀਆਂ ਤੋਂ ਬੇਰ ਲਿਆਂਦਾ, ਭਾਬੀ ਤੇਰੀ ਗਲ੍ਹ ਵਰਗਾ ।
ਬੇਰੀਆਂ ਦੇ ਬੇਰ ਮੁੱਕ ਗਏ, ਦਸ ਕਾਹਦੇ ਬਹਾਨੇ ਆਵਾਂ !
