ਵੰਡ પર ਕਵਿਤਾਵਾਂ

1947 ਵਿਚ ਮੁਲਕ ਬ੍ਰਿਟਿਸ਼

ਹੁਕੂਮਤ 'ਤੋਂ ਆਜ਼ਾਦ ਤਾਂ ਬੇਸ਼ੱਕ ਹੋ ਗਿਆ। ਪਰ ਪੰਜਾਬ ਦੋ ਹਿੱਸਿਆਂ ਵਿਚ ਵੰਡਿਆ ਗਿਆ। ਭਾਰਤੀ ਪੰਜਾਬ ਚੜ੍ਹਦਾ ਪੰਜਾਬ ਅਤੇ ਪਾਕਿਸਤਾਨੀ ਪੰਜਾਬ ਲਹਿੰਦਾ ਪੰਜਾਬ ਅਖਵਾਉਣ ਲੱਗਾ। ਇਸ ਵੰਡ ਦੌਰਾਨ ਤਕ਼ਰੀਬਨ ਪੰਜ ਲੱਖ ਲੋਕਾਂ ਦਾ ਕ਼ਤਲੇਆਮ ਹੋਇਆ। ਪੰਜਾਬ ਦੇ ਸੀਨੇ 'ਤੇ ਲੱਗਾ ਇਹ ਜ਼ਖ਼ਮ ਹਾਲੇ ਤੱਕ ਕਿਸੇ ਨਾ ਕਿਸੇ ਰੂਪ ਵਿਚ ਪੰਜਾਬੀਆਂ ਦੇ ਅੰਦਰ ਰਿਸ ਰਿਹਾ ਹੈ। ਇਸ ਵੰਡ ਦੌਰਾਨ ਨਾ ਸਿਰਫ਼ ਜ਼ਮੀਨ ਦੇ ਦੋ ਟੋਟੇ ਹੋਏ ਸਗੋਂ ਸਾਹਿਤ, ਕਲਚਰ ਅਤੇ ਕਲਾਵਾਂ ਆਦਿ ਵੀ ਵੰਡੇ ਗਏ। ਪੰਜਾਬੀ ਦੋ ਲਿੱਪੀਆਂ ਵਿਚ ਹੋ ਜਾਣ ਕਰਕੇ ਇਕੋ ਖ਼ਿੱਤੇ ਦੇ ਲੋਕ ਇਕ-ਦੂਜੇ ਦਾ ਸਾਹਿਤ ਪੜ੍ਹਨ ਤੋਂ ਵਿਰਵੇ ਹੋ ਗਏ। ਵੰਡ ਸੰਬੰਧੀ ਚੜ੍ਹਦੇ ਤੇ ਲਹਿੰਦੇ ਪੰਜਾਬ ਵਿਚ ਕਾਫ਼ੀ ਸਾਹਿਤ ਸਿਰਜਿਆ ਗਿਆ।