is tarhan…
ਧੁੱਪ ਦੇ ਸਬਜ਼ ਕਾਗ਼ਜ਼ ‘ਤੇ
ਲਿਖ ਰਹੀ ਹੈ ਹਵਾ
ਰਿਸ਼ਮਾਂ ਦੀ ਸਿਆਹੀ ਨਾਲ
ਪਹਾੜ ਦੀ ਪ੍ਰੇਮ ਕਥਾ…
ਢਲਾਨਾਂ ‘ਤੇ ਦੇਵਦਾਰ ਮਿਲ ਕੇ
ਵਾਹ ਰਹੇ ਕਈ ਚਿੱਤਰ
ਦੂਰ ਚੋਟੀਆਂ ‘ਤੇ ਬਰਫ਼
ਮਖ਼ਮਲੀ ਹੌਲ਼ੀ ਹੌਲ਼ੀ ਰਹੀ ਤੁਰ…
ਖਿਤਿਜ ਦਿਆਂ ਕਪੋਲਾਂ ‘ਚ
ਬਣ ਰਹੀਆਂ ਸੈਆਂ ਲਕੀਰਾਂ
ਜਿਸ ‘ਚ ਹੈਨ ਪ੍ਰਤਿਬਿੰਬਤ
ਕਿੰਨ੍ਹੀਆਂ ਹੀ ਪ੍ਰਤਿਮਾਵਾਂ…
ਪਪੀਹਾ ਉਡੀਕਦਾ ਰਿਹਾ
ਦੇਰ ਤੱਕ ਬੂੰਦ ਸਵਾਂਤੀ
ਹਰ ਵਾਰ ਛੱਲ ਕਰਦੀ
ਉਸ ਨਾਲ਼ ਹੀ ਤੇਹ ਉਸਦੀ…
ਅਕਾਸ਼ ‘ਚ ਉੱਡਦੇ ਪੰਛੀ ਦਾ
ਪਰਛਾਵਾਂ ਦੌੜ ਰਿਹਾ
ਵਾਦੀ ‘ਚ ਪਸਰੀ ਹਰਿਔਲ਼ ‘ਤੇ
ਐਨ ਓਸੇ ਜਿਹਾ…
ਸੁੱਕੇ ਪੀਲ਼ੇ ਪੱਤਿਆਂ ‘ਤੇ
ਤੁਰਦਿਆਂ ਆਵੇ ਆਵਾਜ਼
ਜਿਵੇਂ ਤੂੰ ਪਲਟ ਰਹੀ ਹੋਵੇਂ
ਪੰਨੇ ਪੜ੍ਹਦਿਆਂ ਕਿਤਾਬ…
ਕਿਵੇਂ ਨ ਕਿਵੇਂ ਛਿੜ ਹੀ ਜਾਂਦਾ
ਪ੍ਰਸੰਗ ਤੇਰੇ ਹੋਣ ਦਾ
ਤੇਰੀ ਯਾਦ ਜਿਤਾਅ ਜਾਂਦੀ
ਆਪਣੀ ਹੋਂਦ ਥਾਂ ਪੁਰ ਥਾਂ….
ਧੁੱਪ ਦੇ ਸਬਜ਼ ਕਾਗ਼ਜ਼ ‘ਤੇ
ਲਿਖ ਰਹੀ ਹੈ ਹਵਾ
ਰਿਸ਼ਮਾਂ ਦੀ ਸਿਆਹੀ ਨਾਲ
ਪਹਾੜ ਦੀ ਪ੍ਰੇਮ ਕਥਾ…
ਢਲਾਨਾਂ ‘ਤੇ ਦੇਵਦਾਰ ਮਿਲ ਕੇ
ਵਾਹ ਰਹੇ ਕਈ ਚਿੱਤਰ
ਦੂਰ ਚੋਟੀਆਂ ‘ਤੇ ਬਰਫ਼
ਮਖ਼ਮਲੀ ਹੌਲ਼ੀ ਹੌਲ਼ੀ ਰਹੀ ਤੁਰ…
ਖਿਤਿਜ ਦਿਆਂ ਕਪੋਲਾਂ ‘ਚ
ਬਣ ਰਹੀਆਂ ਸੈਆਂ ਲਕੀਰਾਂ
ਜਿਸ ‘ਚ ਹੈਨ ਪ੍ਰਤਿਬਿੰਬਤ
ਕਿੰਨ੍ਹੀਆਂ ਹੀ ਪ੍ਰਤਿਮਾਵਾਂ…
ਪਪੀਹਾ ਉਡੀਕਦਾ ਰਿਹਾ
ਦੇਰ ਤੱਕ ਬੂੰਦ ਸਵਾਂਤੀ
ਹਰ ਵਾਰ ਛੱਲ ਕਰਦੀ
ਉਸ ਨਾਲ਼ ਹੀ ਤੇਹ ਉਸਦੀ…
ਅਕਾਸ਼ ‘ਚ ਉੱਡਦੇ ਪੰਛੀ ਦਾ
ਪਰਛਾਵਾਂ ਦੌੜ ਰਿਹਾ
ਵਾਦੀ ‘ਚ ਪਸਰੀ ਹਰਿਔਲ਼ ‘ਤੇ
ਐਨ ਓਸੇ ਜਿਹਾ…
ਸੁੱਕੇ ਪੀਲ਼ੇ ਪੱਤਿਆਂ ‘ਤੇ
ਤੁਰਦਿਆਂ ਆਵੇ ਆਵਾਜ਼
ਜਿਵੇਂ ਤੂੰ ਪਲਟ ਰਹੀ ਹੋਵੇਂ
ਪੰਨੇ ਪੜ੍ਹਦਿਆਂ ਕਿਤਾਬ…
ਕਿਵੇਂ ਨ ਕਿਵੇਂ ਛਿੜ ਹੀ ਜਾਂਦਾ
ਪ੍ਰਸੰਗ ਤੇਰੇ ਹੋਣ ਦਾ
ਤੇਰੀ ਯਾਦ ਜਿਤਾਅ ਜਾਂਦੀ
ਆਪਣੀ ਹੋਂਦ ਥਾਂ ਪੁਰ ਥਾਂ…
