ਗੀਤ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਵੇ ਪਰਦੇਸੀਆ ਤੇਰੀਆਂ

ਕਾਗ ਉਡਾਵਾਂ ਸ਼ਗਨ ਮਨਾਵਾਂ

ਵਗਦੀ ਵਾ ਦੇ ਤਰਲੇ ਪਾਵਾਂ

ਤੇਰੀ ਯਾਦ ਆਵੇ ਤੇ ਰੋਵਾਂ

ਤੇਰਾ ਜ਼ਿਕਰ ਕਰਾਂ ਤਾਂ ਹੱਸਾਂ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਵੇ ਪਰਦੇਸੀਆ ਤੇਰੀਆਂ

ਦਰਦ ਨਾ ਦੱਸਾਂ ਘੁਲਦੀ ਜਾਵਾਂ

ਰਾਜ਼ ਨਾ ਖੋਲ੍ਹਾਂ, ਮੁਕਦੀ ਜਾਵਾਂ

ਕਿਸ ਨੂੰ ਦਿਲ ਦੇ ਦਾਗ਼ ਦਿਖਾਵਾਂ

ਕਿਸ ਦਰ ਅੱਗੇ ਝੋਲੀ ਡਾਹਵਾਂ

ਵੇ ਮੈਂ ਕਿਸ ਦਾ ਦਾਮਨ ਖੱਸਾਂ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਵੇ ਪਰਦੇਸੀਆ ਤੇਰੀਆਂ

ਸ਼ਾਮ ਉਡੀਕਾਂ, ਫ਼ਜਰ ਉਡੀਕਾਂ

ਆਖੇਂ ਤੇ ਸਾਰੀ ਉਮਰ ਉਡੀਕਾਂ

ਆਂਢ ਗਵਾਂਢੀ ਦੀਵੇ ਬਲਦੇ

ਰੱਬਾ ਸਾਡਾ ਚਾਨਣ ਘੱਲ ਦੇ

ਜਗ ਵਸਦਾ ਏ ਮੈਂ ਵੀ ਵੱਸਾਂ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਕਿਧਰੇ ਨਾ ਪੈਂਦੀਆਂ ਦੱਸਾਂ

ਵੇ ਪਰਦੇਸੀਆ ਤੇਰੀਆਂ