ਫੁੱਲ ਮੋਤੀਏ ਦਾ
ਫੁੱਲ ਮੋਤੀਏ ਦਾ
ਮਾਰ ਕੇ ਜਗਾਇਆ
ਜੇ ਸੁੱਤਾ ਏਂ ਤਾਂ
ਜਾਗ ਰਾਂਝਣਾ ।
ਕੀਹਨੂੰ ਪਲਕਾਂ ਦੇ ਹੇਠ
ਤੂੰ ਲੁਕਾਇਆ
ਜੇ ਸੁੱਤਾ ਏਂ ਤਾਂ
ਜਾਗ ਰਾਂਝਣਾ ।
ਤੇਰੇ ਵਿਹੜੇ ਰਾਤ ਦੀ ਰਾਣੀ
ਵੰਡਦੀ ਰਹੀ ਖ਼ੁਸਬੂਆਂ।
ਰਾਤ ਜੁਗਨੂੰਆਂ ਪਹਿਰਾ ਦਿੱਤਾ
ਲੈਂਦੇ ਰਹੇ ਕੋਈ ਸੂਹਾਂ ।
ਭਲਾ ਕੌਣ ਤੇਰੇ ਸੁਪਨੇ
'ਚ ਆਇਆ
ਸੁੱਤਾ ਏਂ ਤਾਂ
ਜਾਗ ਰਾਂਝਣਾ ।
ਫੁੱਲ ਮੋਤੀਏ ਦਾ ...
ਹੁਸਨ ਇਸ਼ਕ਼ ਦੀ ਗੱਲ ਛਿੜੀ
ਤਾਂ ਹੋ ਗਈ ਧੁੱਪ ਗੁਲਾਬੀ
ਨੈਣਾਂ ’ਚੋਂ ਜਦ ਪਿਆਰ ਡਲ੍ਹਕਿਆ
ਹੋ ਗਈ ਰੁੱਤ ਸ਼ਰਾਬੀ
ਅੱਜ ਪੌਣਾਂ ਨੂੰ ਵੀ
ਨਸ਼ਾ ਜਿਹਾ ਛਾਇਆ
ਸੁੱਤਾ ਏਂ ਤਾ
ਜਾਗ ਰਾਂਝਣਾ
ਫੁੱਲ ਮੋਤੀਏ ਦਾ …
ਸੁੱਤਾ ਏਂ ਤਾ
ਜਾਗ ਰਾਂਝਣਾ
ਫੁੱਲ ਮੋਤੀਏ ਦਾ
ਮਾਰ ਕੇ ਜਗਾਇਆ
ਜੇ ਸੁੱਤਾ ਏਂ ਤਾਂ
ਜਾਗ ਰਾਝਣਾ ।
