ਵੇ ਵਣਜਾਰਿਆ,...
ਵੇ ਵਣਜਾਰਿਆ,...
ਤੇ ਵਹਿੰਦਾ ਦਰਿਆ
ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਤੇ ਵਾਹਿਦਾ ਜਾ
ਨੀ ਵਣਜਾਰਨੇ....
ਤੇ ਰੁਮਕਦੀ ਵਾ
ਸਕਦੀ ਜਾ ਰੁਮਕਦੀ ਜਾ
ਚਮਕਦੀ ਜਾ ਰੁਮਕਦੀ ਜਾ...
ਚੰਨ ਸਿਤਾਰੇ ਰਲ ਮਿਲ ਪਾਉਂਦੇ
ਇਸ ਧਰਤੀ ਦੀਆਂ ਬਾਤਾਂ
ਚਿੱਟੇ ਚਾਨਣ ਨੇ ਧੋ ਦਿੱਤੀਆਂ
ਸ਼ਾਹ ਕਾਲੀਆਂ ਰਾਤਾਂ
ਚੰਨ ਚਾਨਣੀ ਮੈਂ ਬਣ ਜਾਵਾਂ
ਤੂੰ ਚਾਨਣ ਬਣ ਜਾ
ਵੇ ਵਣਜਾਰਿਆ
ਤੂੰ ਵਹਿੰਦਾ ਦਰਿਆ
ਤੂੰ ਵਹਿੰਦਾ ਦਰਿਆ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਤੂੰ ਵਹਿੰਦਾ ਜੀ
ਨੀ ਵਣਜਾਰਨੇ
ਤੂੰ ਰੁਮਕਦੀ ਵਾ
ਰੁਮਕਦੀ ਜਾ ਰੁਮਕਦੀ ਜਾ
ਚੰਨ ਤਾਰਿਆਂ ਦੀ ਛਾਂਵੇਂ
ਜਦ ਤੂੰ ਝਾਂਜਰ ਛਣਕਾਵੇਂ ।
ਜਿੰਨੇ ਵਲ ਤੇਰੇ ਲਹਿੰਗੇ ਵਿਚ
ਤੂੰ ਦੁੱਗਣੇ ਵੱਲ ਖਾਵੇਂ
ਅੱਜ ਸਪੇਰਾ ਮੈਂ ਬਣ ਜਾਵਾਂ
ਤੂੰ ਨਾਗਣ ਬਣ ਜਾ
ਨੀ ਵਣਜਾਰਨੇ
ਤੂੰ ਰੁਮਕਦੀ ਜਾ ਰੁਮਕਦੀ ਜਾ ।
ਵੇ ਵਣਜਾਰਿਆ
ਤੂੰ ਵਹਿੰਦਾ ਦਰਿਆ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਹਰੀ ਭਰੀ ਇਸ ਧਰਤੀ ਦੀ ਕੁੱਖ
ਮੌਲੀ ਚਾਰ ਚੁਫੇਰੇ ।
ਜੀ ਆਖੇ ਤੇਰੇ ਸੰਗ ਲੈ ਲਾਂ
ਜਨਮ ਜਨਮ ਦੇ ਫੇਰੇ
ਮੈਂ ਕੁਦਰਤ ਦੀ ਬਣ ਜਾਂ ਰਾਣੀ
ਤੂੰ ਰਾਜਾ ਬਣ ਜਾ ।
ਵੇ ਵਣਜਾਰਿਆ
ਤੂੰ ਵਹਿੰਦਾ ਦਰਿਆ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਨੀ ਵਣਜਾਰਨੇ
ਤੂੰ ਕਦੀ ਜਾ ਰੁਮਕਦੀ ਜਾ .....
ਹੱਥਾਂ ਦੇ ਵਿਚ ਵੰਗੜੀਆਂ
ਤੇਰੇ ਕੰਨਾਂ ਦੇ ਵਿਚ ਵਾਲੇ
ਵੰਗੜੀਆਂ ਸਾਨੂੰ ਸੌਣ ਨ ਦੇਵਣ
ਵਾਲ ਸੁਰਗ ਹੁਲਾਰੇ ।
ਕੋਕਾ ਤੇਰੇ ਨੱਕ ਵਿਚਲਾ
ਲਿਸ਼ਕਾਰਾ ਸੂਰਜ ਦਾ
ਨੀ ਵਣਜਾਰਨੇ
ਤੂੰ ਰੁਮਕਦੀ ਵਾ, ਰੁਮਕਦੀ ਜਾ
ਭੂਮਕਦੀ ਜਾ ਰੁਮਕਦੀ ਜਾ...
ਅਜ਼ਲਾਂ ਤੋਂ ਅਰਸ਼ਾਂ ਵਿਚ ਚੰਨਾਂ
ਚਮਕਣ ਚੰਨ ਸਿਤਾਰੇ।
ਅਜ਼ਲਾਂ ਤੋਂ ਇਸ ਧਰਤੀ ਉੱਤੇ
ਮਹਿਕਣ ਅਜਬ ਨਜ਼ਾਰੇ ।
ਏਸ ਘੜੀ ਪਰ ਏਦਾਂ ਜਾਪੇ
ਸਭ ਕੁਝ ਹੈ ਸਾਡਾ।
ਨੀ ਵਣਜਾਰਨੇ
ਤੂੰ ਰੁਮਕਦੀ ਵਾ
ਰੁਮਕਦੀ ਜਾ ਰੁਮਕਦੀ ਜਾ
ਵੇ ਵਣਜਰਿਆ
ਤੂੰ ਵਹਿੰਦਾ ਦਰਿਆ ਤੂੰ ਵਹਿੰਦਾ ਜਾ
ਤੂੰ ਵਹਿੰਦਾ ਜਾ ਤੂੰ ਵਹਿੰਦਾ ਜਾ
ਨੀ ਵਣਜਾਰਨੇ...
ਵੇ ਵਣਜਾਰਿਆ...
ਸ੍ਰੋਤ
ਕਿਤਾਬ ਦਾ ਨਾਂ:
ਸਾਵੇ ਸਾਵੇ ਬਾਗਾਂ ਵਿਚ
ਲਿਖਾਰੀ:
ਡਾ. ਤੇਜਿੰਦਰ ਹਰਜੀਤ
ਛਾਪਣਹਾਰ:
ਹਰਤੇਜ ਪ੍ਰਕਾਸ਼ਨ, ਜਲੰਧਰ
Year:
1998
ਛਪਾਈ:
First
