ਕਾਫ਼ੀਆਂ
ਪੀਰੋ ਸਾਈਂ ਨਾਲਿ ਹੈ ਮੈਂ ਢੂੰਡਾਂ ਕਿਥੇ।
ਮੈਂ ਬਿਨਾ ਨਾ ੳਸਿ ਦੇ ੳ ਜਿਥੇ ਤਿਥੇ।
ਜੀਵੁ ਹੰਕਾਰੁ ਆਪ ਹੈ ਬ੍ਰਹਮੁ ਆਪੇ ਸੋਈ।
ਆਪੇ ਨਿਰਵਿਕਲਪੁ ਹੈ ਨਾ ਦੂਸੁਰੁ ਕੋਈ। ੨੧।
ਪੀਰੋ ਗੰਜਤਿ ਜੀਵ ਹੈ ਬ੍ਰਹਮ ਰਾਜਾ ਹੋਈ।
ਅਸਪਦੁ ਖੁਦ ਖੁਦਾਉ ਹੈ ਨਿਰੰਤ੍ਰਿ ਸੋਈ।
ਮਲ ਨਿਰੰਕਾਰੁ ਜੀਵੁ ਹੈ ਬ੍ਰਹਮੁ ਸੁਧੁ ਕਹਾਏ।
ਨਿਰਵਿਕਲਪੁ ਖੁਦਾਉ ਹੈ ਬ੍ਰਹਮੁ ਫੁਰਨਾ ਜਾਏ। ੨੨।
ਪੀਰੋ ਕੂੜਿ ਕੁਟੰਬ ਦਾ ਕੋਈ ਸੰਗ ਨਿ ਜਾਣਾ।
ਵਿਛੁੜੇ ਫੇਰਿ ਨਿ ਮਿਲਨਿ ਗੇ ਜਿਉਂ ਤੁਟਾ ਤਾਣਾ।
ਨਾ ਕੋਈ ਪੇਕੇ ਸਾਹੁਰੇ ਨਾ ਰਖੀਆਂ ਸਈਯਾਂ।
ਬੇੜੀ ਕੇਰੇ ਪੂਰਿ ਜਿਉਂ ਸਭੇ ਖਿੰਡਿ ਗਈਯਾਂ। ੨੩।
ਪੀਰੋ ਪੀਆ ਉਜਿਲਾ ਮੈਂ ਸੂਦ੍ਰਿ ਨਾਰੀ।
ਪੀਆ ਮੇਰਾ ਗੁਣਵਤਾ ਮੈਂ ਅਉਗੁਣਿਹਾਰੀ।
ਜਿਨਿ ਗੁਣੀ ਸਹੁ ਪਾਈਯੇ ਮੈਂ ਗੁਣਿ ਨਾ ਕੋਈ।
ਹੋਹਿ ਨਿਮਾਣੀ ਮੈਂ ਫਿਰਾਂ ਸਹੁੰ ਦੇਇ ਨਿ ਢੋਈ। ੨੪।
ਹੈਂ ਨੀ ਸਈਯੋ ਮੇਰੀੳ ਮੈਂ ਕਹਰੁ ਕੀਤਾ।
ਮੈਂ ਵਿਚਿ ਸਾਈਂ ਵਸਿਦਾ ਮੈਂ ਪਾਇ ਨਿ ਲੀਤਾ।
ਪੀਰੋ ਦਰਸਨੁ ਰਬ ਦਾ ਮੈਂ ਜਿਸ ਵਲਿ ਜੋਵਾਂ।
ਨੇੜੇ ਕਹਤੇ ਸ਼ਾਹਰਗੋਂ ਮਤੁ ਮੈਂ ਹੀ ਹੋਵਾਂ। ੨੫।
