ਅਕਬਰ ਕਾਜ਼ਮੀ

ਅਕਬਰ ਕਾਜ਼ਮੀ ਦਾ ਜਨਮ 1926 ਵਿਚ ਲਾਹੌਰ ਵਿਚ ਹੋਇਆ । ਅਧਿਆਪਨ ਦੇ ਕਿੱਤੇ ਨਾਲ ਜੁੜੇ ਹੋਏ ਸ਼ਾਇਰ ਨੇ ਉਰਦੂ ਅਤੇ ਪੰਜਾਬੀ ਦੋਹਾਂ ਵਿਚ ਸ਼ਾਇਰੀ ਕੀਤੀ । ਫੌਤ ਹੋ ਚੁੱਕੇ ਹਨ। ਵੇਲੇ ਦਾ ਮਨਸੂਰ ਪੰਜਾਬੀ ਕਾਵਿ ਸੰਗ੍ਰਹਿ ਹੈ । ਉਨ੍ਹਾਂ ਦੀਆਂ ਗ਼ਜ਼ਲਾਂ ਵਿਚ ਆਧੁਨਿਕ ਮਨੁੱਖ ਦੇ ਦੰਭ ਅਤੇ ਸਮਾਜਿਕ ਕਾਣੀ-ਵੰਡ ਦੋਹਾਂ ਤੇ ਬਰਾਬਰ ਦੀ ਚੋਟ ਹੈ। ਵਿਅੰਗ ਉਸ ਦਾ ਹਥਿਆਰ ਹੈ। ਇਕ ਗ਼ਜ਼ਲ ਦੇ ਕੁਝ ਖ਼ੂਬਸੂਰਤ ਸ਼ੇਅਰ ਇਸ ਪ੍ਰਕਾਰ ਹਨ:
ਜਿਉਂ ਜਿਉਂ ਉੱਚੇ ਕੋਠੇ ਹੁੰਦੇ ਜਾਂਦੇ ਨੇ । 
ਤਿਉਂ ਤਿਉਂ ਬੰਦੇ ਛੋਟੇ ਹੁੰਦੇ ਜਾਂਦੇ ਨੇ ।
ਜਿਹੜਾ ਵੀ ਜ਼ੋਰਾਵਰ ਆ ਕੇ ਬਾਗ਼ ਉਜਾੜਾ ਪਾਉਂਦਾ ਏ, 
ਲੋਕੀ ਡਰਦੇ ਉਸਨੂੰ ਆਖਣ ਸਾਡੇ ਬਾਗ ਦਾ ਮਾਲੀ ਏ ।