ਹਬੀਬ ਜਾਲਿਬ

ਹਬੀਬ ਜਾਲਿਬ (24 ਮਾਰਚ 1928 – 12 ਮਾਰਚ 1993) ਇੱਕ ਮਸ਼ਹੂਰ ਇਨਕਲਾਬੀ ਕਵੀ ਸਨ, ਜਿਨ੍ਹਾਂ ਦਾ ਜਨਮ ਪੰਜਾਬ ਦੇ ਹੁਸ਼ਿਆਰਪੁਰ ਜ਼ਿਲ੍ਹੇ ਦੇ ਪਿੰਡ ਮਿਆਣੀ ਅਫ਼ਗਾਨਾਂ ਵਿੱਚ ਹੋਇਆ ਸੀ। ਉਹ ਸਰਕਾਰੀ ਜਬਰ ਤੇ ਨਾ ਇਨਸਾਫ਼ੀ ਦੇ ਖ਼ਿਲਾਫ਼ ਆਪਣੇ ਅੰਦੋਲਨ ਲਈ ਜਾਣੇ ਜਾਂਦੇ ਸਨ। ਜਾਲਿਬ ਨੇ ਸਾਦੀ ਤੇ ਸਿੱਧੀ ਭਾਸ਼ਾ ਵਿੱਚ ਸ਼ਾਇਰੀ ਕੀਤੀ, ਜੋ ਆਮ ਲੋਕਾਂ ਦੇ ਦਿਲ ਨੂੰ ਛੂਹ ਜਾਂਦੀ ਸੀ। ਉਨ੍ਹਾਂ ਦੀ ਪਹਿਲੀ ਉਰਦੂ ਕਵਿਤਾ ਦੀ ਕਿਤਾਬ ਬਰਗ-ਏ-ਗੁਲ 1957 ਵਿੱਚ ਪ੍ਰਕਾਸ਼ਿਤ ਹੋਈ, ਅਤੇ ਉਨ੍ਹਾਂ ਨੇ ਉਰਦੂ ਵਿੱਚ ਕੁੱਲ ਨੌਂ ਕਿਤਾਬਾਂ ਛਪੀਆਂ। ਹਾਲਾਂਕਿ ਉਹ ਮੁੱਖ ਤੌਰ 'ਤੇ ਉਰਦੂ ਕਵੀ ਵਜੋਂ ਜਾਣੇ ਜਾਂਦੇ ਹਨ, ਪਰ ਉਨ੍ਹਾਂ ਦੀਆਂ ਕੁਝ ਪੰਜਾਬੀ ਰਚਨਾਵਾਂ ਵੀ ਮਿਲਦੀਆਂ ਹਨ, ਜਿਨ੍ਹਾਂ ਨੂੰ ਹੁਣ ਰਾਤ ਕੁਲਹਿਣੀ ਦੇ ਸਿਰਲੇਖ ਹੇਠ ਇਕ ਸੰਗ੍ਰਹਿ ਵਜੋਂ ਪ੍ਰਕਾਸ਼ਿਤ ਕਰ ਦਿੱਤਾ ਗਿਆ ਹੈ।