ਇਬਾਦ ਹੁਸੈਨ (ਇਬਾਦ ਨਬੀਲ ਸ਼ਾਦ) ਦਾ ਜਨਮ 2 ਅਗਸਤ 1966 ਨੂੰ ਅਬਦੁਲ ਹਮੀਦ ਦੇ ਘਰ ਕੰਗਣਪੁਰ, ਕਸੂਰ ਵਿਚ ਹੋਇਆ। ਐਮ.ਏ. ਪੰਜਾਬੀ ਅਤੇ ਐਜੂਕੇਸ਼ਨ ਤੋਂ ਇਲਾਵਾ ਐਲ.ਐਲ.ਬੀ. ਵੀ ਕੀਤੀ । ਅੱਜ ਕਲ੍ਹ ਸਰਕਾਰੀ ਇਸਲਾਮੀਆ ਕਾਲਜ ਵਿਚ ਪੰਜਾਬੀ ਲੈਕਚਰਾਰ ਹਨ । ਤਿਮਾਹੀ ਰਿਸਾਲਾ ਅਣਖ ਦੇ ਸੰਪਾਦਕ ਹਨ । ਇਕ ਗ਼ਜ਼ਲ ਸੰਗ੍ਰਹਿ ਸੂਲੀ ਟੰਗਿਆ ਸੂਰਜ ਛਪਿਆ। ਇਸ ਉਪਰੰਤ 2003 ਵਿਚ ਜਾਗ ਪਿਆ ਅੰਦਰ ਦਾ ਮੌਸਮ ਇਕ ਹੋਰ ਸੰਗ੍ਰਹਿ ਗੁਰਮੁਖੀ ਅੱਖਰਾਂ ਵਿਚ ਛਪਿਆ ਮਿਲਦਾ ਹੈ। ਇਸ ਦੀ ਕਵਿਤਾ ਦਾ ਨਮੂਨਾ ਇਸ ਪ੍ਰਕਾਰ ਹੈ:
-ਉਸ ਤਵੀਤਾਂ ਵਾਲੇ ਦਾ ਦਿਲ ਮੋਹਣ ਲਈ,
ਦੋ ਪੈਸੇ ਦਾ ਸੱਕ ਤੇ ਸੁਰਮਾ ਲੋੜੀਦਾ ।
ਵੇਲੇ ਦੇ ਹਾਕਮ ਨੂੰ ਆਪਣੀ ਪੈ ਜਾਵੇ,
ਦੁੱਲੇ ਵਰਗਾ ਮਰਦ ਸੁਨੱਖਾ ਲੋੜੀਦਾ।
-ਮੇਰੇ ਵੱਸ ਏ, ਤੈਨੂੰ ਲਿਖ ਲਾਂ, ਖੁਰਚ ਦਿਆਂ,
ਮੈਂ ਤੇ ਕਿਸਮਤ ਮੁਠ ਇਚ ਤਾੜੀ ਹੋਈ ਏ ।
-ਉਸ ਤਵੀਤਾਂ ਵਾਲੇ ਦਾ ਦਿਲ ਮੋਹਣ ਲਈ,
ਦੋ ਪੈਸੇ ਦਾ ਸੱਕ ਤੇ ਸੁਰਮਾ ਲੋੜੀਦਾ ।
ਵੇਲੇ ਦੇ ਹਾਕਮ ਨੂੰ ਆਪਣੀ ਪੈ ਜਾਵੇ,
ਦੁੱਲੇ ਵਰਗਾ ਮਰਦ ਸੁਨੱਖਾ ਲੋੜੀਦਾ।
-ਮੇਰੇ ਵੱਸ ਏ, ਤੈਨੂੰ ਲਿਖ ਲਾਂ, ਖੁਰਚ ਦਿਆਂ,
ਮੈਂ ਤੇ ਕਿਸਮਤ ਮੁਠ ਇਚ ਤਾੜੀ ਹੋਈ ਏ ।