Saleem kashar

ਸਲੀਮ ਕਾਸ਼ਰ ਦਾ ਜਨਮ ਡਾ. ਜਗਤਾਰ ਅਨੁਸਾਰ 5 ਮਈ 1934 ਨੂੰ ਇਸਲਾਮਾਬਾਦ ਕਸ਼ਮੀਰ ਵਿਖੇ ਮਨਜ਼ੂਰ ਅਹਿਮਦ ਭੱਟ ਦੇ ਘਰ ਹੋਇਆ। ਪ੍ਰੋ. ਪ੍ਰੀਤਮ ਸਿੰਘ ਦੇ ਲੇਖਕ ਕੋਸ਼ ਅਨੁਸਾਰ ਉਨ੍ਹਾਂ ਦਾ ਜਨਮ 18 ਅਕਤੂਬਰ 1932 ਨੂੰ ਮਾਤਾ ਮਹਿਤਾਬ ਤੇ ਪਿਤਾ ਮੁਹੰਮਦ ਦੀਨ ਦੇ ਘਰ ਅਨੰਤ ਨਾਗ ਵਿਚ ਹੋਇਆ। ਕਾਵਿ-ਪੁਸਤਕਾਂ ਦਾ ਵੇਰਵਾ ਇਸ ਪ੍ਰਕਾਰ ਹੈ: ਤੱਤੀਆਂ ਛਾਵਾਂ (1963), ਸਰਘੀ ਦਾ ਤਾਰਾ (1978), ਹਵਾ ਦੀ ਸੂਲ਼ੀ (1982), ਦਰਦਾਂ ਦਾ ਖਿੜਿਆ ਮੋਤੀਆ। ਉਨ੍ਹਾਂ ਦੀ ਕਵਿਤਾ ਵਿਚ ਸੂਖ਼ਮ ਖ਼ਿਆਲੀ ਦੇ ਨਾਲੋ ਨਾਲ ਉਚੀ ਕਾਵਿ-ਉਡਾਰੀ ਵੀ ਹੈ।
ਨਮੂਨੇ ਦਾ ਸ਼ੇਅਰ ਇਸ ਪ੍ਰਕਾਰ ਹੈ :
ਅੱਖੀਆਂ ਦੀ ਕਿਣ ਮਿਣ ਵਿਚ ਰੁੜਦਾ ਵੇਖਕੇ ਪੱਕੇ ਕੋਠਿਆਂ ਨੂੰ 
ਪਾਣੀ ਅੰਦਰ ਘਿਰੇ ਜਜ਼ੀਰੇ ਹੈਰਤ ਅੰਦਰ ਘਿਰ ਗਏ ਨੇ ।