ਇੰਦਰਜੀਤ ਹਸਨਪੁਰੀ ਇਕ ਪ੍ਰਸਿੱਧ ਪੰਜਾਬੀ ਗੀਤਕਾਰ, ਕਵੀ, ਪੇਂਟਰ, ਫਿਲਮ ਨਿਰਮਾਤਾ, ਲੇਖਕ ਅਤੇ ਡਾਇਰੈਕਟਰ ਸਨ। ਉਹਨਾਂ ਦਾ ਜਨਮ 19 ਅਗਸਤ, 1932 ਈ. ਨੂੰ ਮਾਤਾ ਭਗਵਾਨ ਕੌਰ, ਪਿਤਾ ਜਸਵੰਤ ਸਿੰਘ ਦੇ ਘਰ ਪਿੰਡ ਅਕਾਲਗੜ੍ਹ, ਜਿਲ੍ਹਾ ਲੁਧਿਆਣਾ ਵਿਚ ਹੋਇਆ। ਇੰਦਰਜੀਤ ਦਾ ਪੂਰਾ ਨਾਮ ਇੰਦਰਜੀਤ ਸਿੰਘ ਖਰਲ ਹੈ । ਉਹਨਾਂ ਨੇ ਆਪਣੀ ਪਿਤਾ ਦੀ ਮੌਤ ਤੋਂ ਬਾਅਦ ਮਾਤਾ ਅਤੇ ਤਿੰਨ ਭੈਣਾਂ ਦੇ ਨਾਲ ਜੱਦੀ ਪਿੰਡ ਹਸਨਪੁਰ ਰਹਿਣਾ ਸ਼ੁਰੂ ਕਰ ਦਿੱਤਾ ਸੀ ਜਿਸ ਕਰਕੇ ਉਹਨਾਂ ਨੂੰ ਹਸਨਪੁਰੀ ਕਿਹਾ ਜਾਣ ਲੱਗਾ। ਬਚਪਨ ਤੋਂ ਹੀ ਉਹਨਾਂ ਨੂੰ ਕਵਿਤਾ ਅਤੇ ਗੀਤ ਲਿਖਣ ਦਾ ਸ਼ੋਕ ਸੀ । ਉਹਨਾਂ ਨੇ ਆਪਣੀ ਰੋਜ਼ੀ ਰੋਟੀ ਦੇ ਲਈ ਪੇਂਟਿੰਗ ਨਾਲ ਸ਼ੁਰੂ ਕੀਤੀ ਅਤੇ ਲੁਧਿਆਣਾ ਵਿਚ ਨੌਲੱਖਾ ਸਿਨੇਮਾ ਦੇ ਨੇੜੇ ਇਕ ਪੇਟਿੰਗ ਦੀ ਦੁਕਾਨ ਵੀ ਚਲਾਈ।
ਇੰਦਰਜੀਤ ਹਸਨਪੁਰੀ ਦੇ ਬਹੁਤ ਸਾਰੇ ਗੀਤ ਪੰਜਾਬ ਦੇ ਪ੍ਰਸਿੱਧ ਗਾਇਕ/ਗਾਇਕਾਵਾਂ ਨੇ ਗਾਏ ਹਨ। ਜਿਹਨਾਂ ਵਿਚ ਸੁਰਿੰਦਰ ਕੌਰ ਦੀ ਆਵਾਜ਼ ਵਿਚ ਗਾਇਆ ਗੀਤ ਲੱਕ ਹਿੱਲੇ ਮਜਾਜਣ ਜਾਂਦੀ ਦਾ ਤਾਂ ਲੋਕਗੀਤ ਦਾ ਰੂਪ ਅਖਤਿਆਰ ਕਰ ਗਿਆ ਹੈ। ਇਸ ਤੋਂ ਇਲਾਵਾ ਉਹਨਾਂ ਦੀਆਂ ਕਾਵਿ-ਪੁਸਤਕਾਂ, ਔਸੀਆਂ, ਸਮੇਂ ਦੀ ਆਵਾਜ਼, ਜ਼ਿੰਦਗੀ ਦੇ ਗੀਤ, ਜੋਬਨ ਨਵਾਂ ਨਕੌਰ, ਰੂਪ ਤੇਰਾ ਰੱਬ ਵਰਗਾ, ਮੇਰੇ ਜਿਹੀ ਕੋਈ ਜੱਟੀ ਵੀ ਨਾ, ਗੀਤ, ਮੇਰੇ ਗੀਤ, ਕਿੱਥੇ ਗਏ ਉਹ ਦਿਨ ਓ ਅਸਲਮ, ਰੰਗ ਖ਼ੁਸ਼ਬੂ ਰੋਸ਼ਨੀ ਅਤੇ ਕਿਰਤੀ ਕਿਰਤ ਕਰੇਂਦਿਆ ਹਨ। ਇੰਦਰਜੀਤ ਨੇ ਇਹਨਾਂ ਤੋਂ ਇਲਾਵਾ ਬਾਲ ਗੀਤ ਵੀ ਲਿਖੇ ਹਨ।
ਇੰਦਰਜੀਤ ਹਸਨਪੁਰੀ ਦੀ ਮੌਤ 8 ਅਕਤੂਬਰ 2009 ਈ. ਨੂੰ ਲੁਧਿਆਣਾ ਵਿਚ ਹੋਈ, ਜਿੱਥੇ ਉਹ ਕਿਡਨੀ ਦੀ ਬਿਮਾਰੀ ਕਰਨ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਜਾਂਦੇ ਹਨ।